係香港要唔認命 Kites 創辦人 Alan Tsui
近半年,本地Startup生態圈吹起一陣奇風,Co-working space數量急增,Incubation、Seed Round都很多,做的人似乎多了一點,Startup圈子湧現不少陌生的面孔,這些面孔當中不乏後生仔。
「我係香港人,係香港長大,我15歲就開始第一盤生意,係eBay賣嘢…」Kites 共同創辦人 Alan Tsui 談自己幾次的創業經驗,說得頭頭是道,其實他今年才25歲。「不過頭兩次我都沒當成是Startup,因為沒有向外籌錢(Raise Outside Funding),盤生意冇快速增長,唔需要籌咁多錢。」
地址雲端服務
「Kites 專注如何將地址變成Latitude和Longitude(經緯度),換言之機器亦可以解讀地址,其實這問題過去10年香港一直未能好好解決。」
快速交待完背景,Alan 講解 Kites 這門技術含量較高、一般人較難理解的生意,究竟是為了解決什麼問題而生。
「箇中好多原因,主要係Backend系統問題,一個城市以至一個國家的數據,比如美國,需要好幾個政府部門協作,用了十幾年才完成。」
簡言之,Kites 要解決的問題,是將現實世界的地址,變成可供任何應用程式或電腦系統解讀的雲端服務(Geocoding Cloud Service),由於種種原因(多數原因為自身缺乏資訊科技能力),物流業以至各行各業俱「未用盡」數據和電腦運算的好處,只要使用 Kites 提供的應用程式接口(API)便可以直接在開發時應用其雲端地址資料庫。
根據 Alan 的解說,我終於明白問題所在:現時香港的送貨流程,可以稱得上非常原始,送貨者到收貨者之間的路程,例如速遞,或外賣食物,主要仍舊靠人腦解讀地址,靠送貨者的經驗去判斷地址的位置、行車路線,沒有發揮電腦可以即時搜查交通資訊,然後推薦最短最有效率路線的可能,以及該從那個分店派出哪位送貨員最為理想。
試想想,如果Pizza Hut改良了系統,結果30%訂單,可以經過App由顧客直接下訂單,取代傳統的電話外賣,節省了的成本和長遠獲得的經營數據,其商業價值是相當巨大的。我的另一問題是,Geocoding這門生意,理論上無遠弗屆,在產品上,任何地址也不外乎一組經緯度,為什麼選擇在香港搞?
揀.hk唔發矽谷夢
事實上,相似的Geo題目,一般使用者最熟悉係Google Map,而中國市場百度、騰訊都有投放大量資源提供Geo數據資訊,試問 Kites 如何跟這些巨人競爭?
「Google 的數據其實佢地每個國家係licence俾人,我知佢licence給誰,而係香港,佢亦只係用一組data set,呢層我地唔止,佢地(Google)係香港都要同我地傾。」其實我對這答案有所保留,如果Google在支援地區地址進步速度加快,Kites又可以拿什麼跟巨人競爭?
「揀香港,係見到Geo喺亞洲有好大空間可以發展,而我喺香港長大,呢度好似自己屋企,所以返黎搞。但是否一個明智既決定,我暫時未知,因為有可能新加坡或北京會更好。」
「至於大陸係一個好大市場,競爭亦好大,但其實Geo這範疇整個亞洲都做得麻麻,問題係對方真係投放好多資金去做,如果我地籌唔到咁多錢,亦可以集中做好香港,或者東南亞先,事關市場較分散,唔似得中國大陸咁scalable,因為市場細,因而競爭亦細。」
問題係選擇細市場,潛在似 WhatsApp、SnapChat 那種火箭式增長的機會便變得不可能,籌錢的難度豈不是更高?
「玩細市場係咁,你真係唯有push back,要多諗辦法去盈利,香港唔會有好似facebook或google個種夢想,可以創業6年8年都完全未有revenue,冇辦法,因為香港既user base係得咁多,換個角度,雖然consumer market未必得,一個細市場既enterprise market係可以的… 如果你睇返上市,矽谷過去10年既上市公司,10間有8間係enterprise company,雖然成功之日唔會出好出名,未必好多人識你,亦好多人唔明白你做緊乜。」
沒有「矽谷模式」就放棄?You don’t have to win all medals to be successful. 其實走出自己的香港模式一樣可以成功,香港也有年收入過千萬甚至更多的Startup,係香港只要唔認命,冇話冇路行。
唔認命有路行
Alan第一次創業是十五歲,上 eBay 開店創業,第二盤生意做背囊,自己設計,由於生意不俗,本來打算有大學唔讀,但父母反對。
「爹哋媽咪係醫學界,梗係想我讀埋大學,但我唔想,咁當時大家就make a deal,話只要我讀大學,之後就唔管我,於是我就去了芝加哥大學讀經濟,咁讀經濟,大部分都做金融,我中間去過建設銀行做,但真係太悶,於是咪返嚟Startup!」
Kites小資料
網址:kites.hk
孵化器:Cyberport
員工:8人
支持EJ Tech
如欲投稿、報料,發布新聞稿或採訪通知,按這裏聯絡我們。
Related Posts
Latest News
-
實踐可持續建築減廢方案(鄧淑明博士)
據發展局局長甯漢豪指出,近年香港的公營部門及私營公司,每年建築工程費用總開支達到3000億元,可為業界提供實踐可持續建築的黃金機會,把「ESG(環境、社會及管治)原則」納入大型建築項目,筆者深表認同。
- Posted April 17, 2025
- 0
-
數碼科技體驗館|數碼港17間園區企業展成果
數碼港「數碼科技體驗館」正式開幕,即日起向企業及公眾開放。當中設有「提升效率」、「安全」、「互動體驗區」三大展區,展示人工智能(AI)、區塊鏈及Web3.0等最新前沿科技方案,涵蓋教育、醫療、智慧城市等領域的應用。
- Posted April 17, 2025
- 0
-
DeepMind|聘專家安全開發AGI
科技巨企谷歌(Google)旗下人工智能(AI)研究團隊DeepMind,在英國倫敦公開招募「後AGI」研究科學家,研究通用人工智能(AGI)、超級人工智能(ASI)及機器意識,以至AGI對人類社會基礎的影響。
- Posted April 17, 2025
- 0
-
離心砲|美初創研建離心炮發射衞星
美國加州初創SpinLaunch主力研發巨型離心砲,計劃明年起發射數百顆微型衞星,在近地軌道(LEO)部署通訊系統Meridian Space。
- Posted April 17, 2025
- 0
-
嘲諷科技文化|矽谷過路處按鈕被駭遭惡搞
美國加州三藩市灣區等矽谷一帶,上周末起相繼有人發現行人過路處按鈕被駭,植入多條以人工智能(AI)合成的模仿語音,聲稱自己為Meta行政總裁朱克伯格、億萬富豪馬斯克,以嘲諷科技文化、AI及企業過度擴張等行為。
- Posted April 17, 2025
- 0
-
人形機械人|眾擎PM01機械人售價19萬
世界級網紅「甲亢哥」(IShowSpeed)早前訪華,於深圳與「眾擎PM01」機械人共跳「斧頭舞」。最近這款人形機械人量產,在眾擎京東自營旗艦店上架,售價18.8萬元人民幣,預計到今年6月底才有貨。
- Posted April 17, 2025
- 0
-
AI代勞損信任|哈佛教授提醒 易遭識破損信任 企業CEO與員工交流 忌以AI代勞
最新一期《哈佛商業評論》刊登文章,探討企業高層及行政總裁(CEO)使用人工智能(AI)工具代筆,或引發對內部信任的損害。
- Posted April 17, 2025
- 0