Don't Miss
消失的老闆
By 特約轉載 on September 10, 2015
本文作者為Man In Central CK，原文刊於Facebook專頁，標題為編輯所擬
網絡圖片
今年，又有幾個同事做滿十年了。
記得初做生意嗰陣，最鐘意睇埋一大堆教management嘅書。日日都諗住，點樣可以駕馭一班同事；點樣可以將佢地能力效率提升；點樣又可以留住幫得手嘅人…啲橋日度夜度，不斷搞東搞西，搞到自己忙到好似個傻佬一樣，但效果呢？還是唔理想。
後來，小朋友出咗世，淨係湊仔已經夠我唔得閒，drag走咗我大半精力，仲邊得閒諗，點去manage班同事？但係你唔諗咁多，唔響公司搞東搞西之後，班同事做起嘢嚟反而仲醒神，流失既人比以前仲少得多。我終於醒覺，我響公司最大既貢獻，就係讓自己消失，只要出糧嗰日記得返工簽名過數就得。
其中一個做滿十年既同事，客氣地同我講話，響我呢度因為做得開心，所以會留咗響度咁耐（雖然人工又唔高福利又唔好工作又沉悶又冇前途…下刪一千字），但開心，真係好重要。
於是我問佢，其實點解做得咁開心呢？佢好誠實咁話，因為我成日都唔見人，平日返工，feel so free。
人老咗，覺得甚麼management，都係嘥X氣的。還是輕輕鬆鬆做自己，最爽。
支持EJ Tech
如欲投稿、報料，發布新聞稿或採訪通知，按這裏聯絡我們。
