Don't Miss
淘寶的邏輯
By 老占 on May 25, 2016
淘寶微博圖片
作家韓寒曾有句名言：世界上有兩種邏輯，一種是邏輯，一種是中國邏輯。中國電子商務的現況，嚴格來說同樣有兩種邏輯，一種是淘寶的邏輯，一種是www的邏輯。
淘寶的整體銷售環境是良性的，大部分賣家都可以賺錢；www的邏輯，環境就不太好，大家搏命在賺小錢，更多都在蝕錢。但係歸順淘寶，大家又不敢投太多錢，因為所有風險投在一家公司上，風險太高。
淘寶，無錯是大佬，但從整體市場長遠發展來講，一家獨大是不會永遠持續的，現時對比一切B2C的網站，佢哋的優勢在於是先行者，但可以做嘅事已經非常有限。
如果今日有一間公司要和淘寶決戰生死，有沒有機會？當然有，但是要具備兩個前提。第一，需要巨額資金；第二，需要一個已經有擁有巨大流量的品牌互聯網企業。例如騰訊、京東。
在美國，現時電子商務頭十位，除咗亞馬遜之外，大部分都來自成功的傳統行業，但是在中國，傳統行業在互聯網都做得不好，只睇到失敗的案例，但不排除有一日，傳統零售行業有可能會成功。唔可以否認一點，有一日這隻獅子突然間睡醒，脫胎換骨，還是很可怕的。
仲有一個不可忽視的巨頭就是亞馬遜，其中國公司做得非常不好，我覺得最根本原因是水土不服，簡單一個例子，中國人習慣在淘寶行一圈，一開就開二三十個網頁，對美國人來講，開好多網頁會覺得太亂、太煩啦。對大陸消費者來講已經好習慣，反而不習慣click back，一個咁細小的習慣，其實唔會讓顧客跟住你改變，但鬼佬覺得我在美國已經好成功，點解我要去就你？
更多老占文章：
支持EJ Tech
如欲投稿、報料，發布新聞稿或採訪通知，按這裏聯絡我們。
