Don't Miss
邊樣先
By Kenneth Kwok on November 5, 2016
本文作者為Beehive Strategy創辦人Kenneth Kwok，原文刊於作者博客
「創業」
第一次創業其實唔係非常成功，當然最重要嘅問題係無社會經驗，好多嘢都唔識所以就算係賺到錢都無用，因為好難做得大。依家啲年輕人就相對比較幸福，事關有好多資源可以利用，有好多有經驗嘅創業者分享佢哋嘅經驗。最緊要嘅係有好多資金，雖然我唔太認同依家啲年輕人參加比賽，或者去申請創業基金，只不過我哋以前邊度有啲咁嘅嘢。而事隔十年再次創業，當然又好唔同啦！
「先後」
其實好多人都會有同樣嘅問題就係做嘢先定係創業先！其實你問我嚟個過來人嘅話，我真係會同你講各有各好！其實我都會認同早啲創業係好啲，因為負擔少，想做就去做，反正無損失，有嘅係時間同精力。人大咗就有好多負擔，唔敢下下搏到咁盡，但係就會多咗好多社會同工作經驗。兩者其實都有各自嘅好處同壞處，所以其實都係要睇自己覺得適唔適合，創業反正係無分年齡，就算七老八十其實都可以創業。
「經驗」
我自己嘅經驗係睇天時地利人和，當年創業係因為入唔到心儀嘅大學科目，而因為自己對設計同識寫網站所以就開始網頁設計同製作。依家睇返當時嘅嘢都覺得有啲小學雞。當然自己覺得最大嘅問題係唔知點樣去營運，全部都係誤打誤撞。但係第二次創業就做好準備工夫，因為已經係大公司學識一套管理同營運模式。創業最緊要係要搵到自己想做嘅嘢，如果係一個藍海市場就當然係最好不過啦！
支持EJ Tech
如欲投稿、報料，發布新聞稿或採訪通知，按這裏聯絡我們。
