我在Uber遇到的兩個司機
本文作者程詩敏為傳媒工作者，原文刊於作者的Facebook專頁「記者程詩敏」
在三藩市第一次乘Uber，感覺實在太正，快，定位準，價錢比的士便宜三成，更重要是司機令人驚喜萬分。
第一位司機是非裔黑人，播著塞內加爾的傳統樂曲。
司機 : 這是我家鄉的歌。要不要播香港的？
我 : 不用啊(笑)。塞內加爾是怎樣的? 是一個穩定的國家?
司機 : 是啊，是非洲經濟較好的國家，自然環境很漂亮。
他在三藩市15年，之前在法國唸高中，之後到UC Berkeley唸大學。
司機 : 我受過高等教育的，是遙距學習的導師，賺點外快才揸Uber。
星期天在三藩市，一天賺上300美元是基本。往金門大橋的二十分鐘路程，中途接了一位女生共乘。
女生 : 我去沙灘，甚麼也不做，就躺著。三藩市樓價貴，香港樓價也很貴嗎？
我 : 500多呎單位要100萬美元吧。
女生 : 跟這裏差不多。我幸好一早買了樓。即使有租管也沒用，真不知現在的人怎麼過。
第二位司機出現時簡直是救星。我們走得累了，又要趕在日落前趕到下一地點。這亞裔司機看上去只有26，7歲，外形像在外地唸書的富二代，開著黑色Mazda3。
司機 : 你哋都係講廣東話。
我 : 係呀。
司機 : 我係台山人。三藩市最多就係台山人。
司機 : 接到你哋短途好呀，有時長途我都唔想接。
我 : 冇得揀㗎咩？
司機 : 冇㗎，接咗order先知去邊。接左唔載會收警告信㗎，收多幾封就冇得揸一排。Uber呢方面好嚴。
這次又是二十分鐘路程，他問了我們的住處。
Oakland好危險喎，好雜。你記低我電話，我叫阿成，今晚車你哋返去。免費，大家都係中國人。
三小時後又在阿成的車，他說要去Oakland找朋友修車，順道車我們。我們連聲多謝。
我生左三個㗎喇，全職揸車。辛苦㗎，有時喺車度瞓埋唔返屋企。
十幾歲過嚟讀書，以前啱啱過嚟，阿媽洗大餅，得4，5蚊美金一個鐘，幾慘呀。好彩之後幾年我識人做機場，介紹佢去做清潔，生活開始好喇。
我甚至沒問他為甚麼移民。
我太太係澳門人，佢想返去㗎，我梗係唔想。有人請我返澳門搞生意，話出五，六萬(人民幣)月薪(我和攝影師呆了)，我唔制啦，揸車都搵到，我開價十萬，佢就冇搵我啦。
我有返鄉下㗎，好多朋友，飲酒又平過美國，次次返去都飲到爛醉，好開心。
有緣再見。
三藩市國際機場的最後一程，司機是個金髮美女，駕的是福士，我沒怎樣說話，可能因為要回港，短暫性抑鬱。
跨地域的On demand service，令人增添了很多安全感。當能夠掌握的愈來愈多，何處是家已經不再重要了吧。正值港大副校任命事件，乘著時差， 香港就像一個數百億光年外的陌生星球，聽過她的名字，驚鴻一瞥，卻不宜居住。
支持EJ Tech
如欲投稿、報料，發布新聞稿或採訪通知，按這裏聯絡我們。
